February 21, 2024
Super King Detergents සමාගම Lanka Business Award සම්මාන දිනයි
පුවත්

Super King Detergents සමාගම Lanka Business Award සම්මාන දිනයි

Dec 3, 2023

විෂබීජනාශක සහ පිරිසිදුකාරක නිෂ්පාදනයේ සහ අලෙවියේ නැඟී එන ව්‍යාපාරයක් වන Super King Detergents සමාගම Lanka Business Awards සම්මාන උළෙලේදී වසරේ විශිෂ්ටම විෂබීජනාශක සහ පිරිසිදුකාරක සන්නාමය ලෙස සම්මානයෙන් පිදුම් ලැබීය.

Business World International Organization (BWIO) සංවිධානය කළ සම්මාන උළෙල කොළඹ ටාජ් සමුද්‍රා හෝටලයේදී උත්කර්ෂවත් අයුරින් පැවැත්විණි. එහිදී Super King Detergents කළමනාකාර අධ්‍යක්ෂ රාමසාමි සිවසංකර් මහතා වෙත සම්මානය පිරිනමන ලදී.

2017දී සුළු පරිමාණයෙන් ඇරැඹූ Super King Detergents සමාගම ක්‍රම ක්‍රමයෙන් දියුණු වුයේ ගුණාත්මකභාවයෙන් සහ ප්‍රමිතියෙන් ඉහළ නිෂ්පාදන නිරන්තරයෙන් පාරිභෝගිකයන්ට හඳුන්වා දීම නිසාය. ඔවුන්ගේ නිෂ්පාදන අතර ඩිෂ් වොෂ්, හෑන්ඩ් වොෂ්, කාර් වොෂ්, ටොයිලට් කොමොඩ් ක්ලීනර් ලික්විඩ්, කොම්ෆොර්ට්, ක්ලෝරස් සහ එයාර් ෆ්‍රෙෂ්නර් වැනි නිෂ්පාදන රැසක් ඇත.

කොළඹ ජාතික රෝහල සහ මහරගම අපේක්ෂා රෝහල වැනි ආයතනවලද Super King Detergents සමාගමේ නිෂ්පාදන භාවිත කිරීමෙන් එම නිෂ්පාදනවල ගුණාත්මකභාවය තහවුරු කර ඇත. Super King නිෂ්පාදන සඳහා කාර්මික තාක්ෂණ ආයතනයේ සහතිකද ලැබී ඇති අතර Super King නිෂ්පාදන ඉදිරියේදී දිවයින පුරා බෙදා හැරීමට සැළසුම් සකස් කර ඇත. මෙම ජයග්‍රහණය හිමි කර ගැනීමට දායකත්වය දැක්වූ පාරිභෝගිකයන්ටත්, සේවක මණ්ඩලයටත්, පවුලේ සාමාජිකයන්ටත් සිය කෘතවේදීත්වය පළ කරන බව කළමනාකාර අධ්‍යක්ෂ රාමසාමි සිවසංකර් මහතා පැවසීය.

Leave a Reply

Your email address will not be published. Required fields are marked *