ශ්‍රී ලංකාවේ විශාලතම පෞද්ගලික බැංකුව වන කොමර්ෂල් බැංකුව Finetech Consultancy සමාගම සමඟ අත්වැල් බැඳ ගනිමින් 2023 සැප්තැම්බර් මස සිට Google Workspace භාවිතා කරන බව පසුගියදා නිවේදනය කළේය. Google Workspace හරහා සිය කාර්යක්ෂමතාව සහ ඵලදායිතාව ඉහළ නංවා ගැනීමට කොමර්ෂල් බැංකුවට හැකියාව ලැබේ.
“Google Workspace භාවිතය ඇරඹීම ගැන අපි සතුටු වෙනවා. එමඟින් වඩාත් කාර්යක්ෂමව වැඩ කරන්න අවශ්‍ය මෙවලම් රැසක් ලැබෙන නිසා පාරිභෝගිකයන්ට වඩාත් හොඳ සේවාවක් සපයන්න අපට පුළුවන්. කොමර්ෂල් බැංකුවේ කාර්ය මණ්ඩලයට ඕනෑම තැනක සිට ඕනෑම වේලාවක වැඩ කිරීමට අවශ්‍ය Gmail, Docs, Drive, Calendar සහ අ‌නෙකුත් මෙවලම් සියල්ල මෙහි අන්තර්ගත වෙනවා. ඒ වාගේම බැංකුවට අයත් දත්ත සුරක්ෂිත කර ගැනීමට උපකාර වන ආරක්ෂක විශේෂාංග ගණනාවකුත් ඊට ඇතුළත් වෙනවා. Google Workspace මේ වන විට ශ්‍රී ලංකාවේ, මියන්මාරයේ, සහ බංග්ලාදේශයේ කාර්යාලවල ක්‍රියාත්මක වෙනවා.” කොමර්ෂල් බැංකුවේ ප්‍රධාන තොරතුරු තාක්ෂණ නිලධාරී සුමුදු ගුණවර්ධන මහතා සඳහන් කළේය.
කොමර්ෂල් බැංකුවේ කාර්ය මණ්ඩලයට වඩාත් වේගවත්ව සහ කාර්යක්ෂමව කටයුතු කිරීමට Google Workspace මෙවලම් උපකාර වේ. උදාහරණ ලෙස කොමර්ෂල් බැංකුවේ කාර්ය මණ්ඩලයට සිය විද්‍යුත් තැපෑල මනාව හැසිරවීමට සහ කාර්යක්ෂමව භාවිත කිරීමට Gmail උපකාර වේ. ලිපිගොනු නිර්මාණය කිරීමට සහ සංස්කරණය කිරීමට Google Docs උපකාර වන අතර Google Drive භාවිතා කර සිය ගොනු ගබඩා කිරීමට සහ හුවමාරු කිරීමට කාර්ය මණ්ඩලයට අවස්ථාව ලැබේ.
Google Workspace මෙවලම් කොමර්ෂල් බැංකුවේ කාර්ය මණ්ඩලයට ව්‍යාපෘතිවලදී සහයෝගිතාවෙන් කටයුතු කිරීමට මඟ පාදයි. උදාහරණ ලෙස පුද්ගලයන් කිහිප දෙනෙකුට එකම අවස්ථාවක ලිපි ගොනුවක් සංස්කරණය කිරීමට Google Docs උපකාර වේ. සිය සාමාජිකයන් සමඟ ගොනුවක් පහසුවෙන් හුවමාරු කර ගැනීමට Google Drive පහසුකම් සළසයි.
කොමර්ෂල් බැංකුවේ දත්ත ආරක්ෂා කර ගැනීම සඳහා අවශ්‍ය ආරක්ෂක විශේෂාංගද Google Workspace හි අන්තර්ගත වේ. උදාහරණයක් ලෙස ගිණුම්වලට අනවසරයෙන් පිවිසීම වැළැක්වීම සඳහා Google Workspace ද්වි-සාධක සත්‍යාපනය යොදා ගනී.
Google Workspace හා සම්බන්ධ සේවා සැපයීම සඳහා විශේෂඥ දැනුමක් සහිත Finetech Consultancy කොමර්ෂල් බැංකුව ඇතුළු සමාගම් 500කට අධික සංඛ්‍යාවකට සාර්ථකව Google Workspace භාවිත කිරීමට අවශ්‍ය මඟ පෙන්වා ඇත.
1 Comment
I together with my buddies were actually looking through the good information and facts found on the blog and so the sudden I had an awful feeling I never thanked the web site owner for those tips. All of the young men became consequently happy to learn all of them and have in reality been making the most of them. Thank you for genuinely quite thoughtful and also for picking out variety of quality subject areas millions of individuals are really eager to understand about. Our own honest apologies for not expressing appreciation to you earlier.