March 4, 2024
කර්මාන්ත විශිෂ්ටතා ලෝකඩ සම්මානයෙන් පුබුදු ඉංජිනියරින් පිදුම් ලබයි
පුවත්

කර්මාන්ත විශිෂ්ටතා ලෝකඩ සම්මානයෙන් පුබුදු ඉංජිනියරින් පිදුම් ලබයි

Dec 14, 2023

විදුලි, ඉලෙක්ට්‍රොනික සහ ඒ ආශ්‍රිත වෙනත් සේවා සපයන ප්‍රමුඛයෙකු වන පුබුදු ඉංජිනියරින් (පෞද්ගලික) සමාගම කාර්මික සංවර්ධන මණ්ඩලය සංවිධානය කළ ජාතික කර්මාන්ත විශිෂ්ටතා 2023 සම්මාන උළෙලේදී මහා පරිමාණ අංශයේ ලෝකඩ සම්මානයෙන් පිදුම් ලැබීය. ජනාධිපති රනිල් වික්‍රමසිංහ මහතාගේ ප්‍රධානත්වයෙන් කොළඹ නෙලුම් පොකුණේදී පැවැති සම්මාන උළෙලේදී පුබුදු ඉංජිනියරින් සමාගමේ සභාපති/කළමණාකාර අධ්‍යක්ෂ ටී. ඒ. එස්. ප්‍රේමලාල් මහතා වෙත සම්මානය පිරිනමන ලදී. වසර 33කට වැඩි කාලයක් පුරා විදුලි ඉංජිනේරු සේවා සපයන පුබුදු ඉංජිනියරින් සමාගම කටුවන කර්මාන්තපුරයේ පිහිටා තිබේ. සමාගම සතුව නවීනතම පරිගණකගත වායු පාලන (CNC) තාක්ෂණය සහිත යන්ත්‍ර සහ අධි තාක්‍ෂණික ස්විච් ගියර් හා ගියර් එකලස් කිරීම් පාලනය කිරීමට අවශ්‍ය මෘදුකාංග පද්ධති සහිත නවීන පන්නයේ කර්මාන්ත ශාලාවක් ඇත.

පුළුල් පරාසයක විහිදී ඇති SCADA, PLC, Control Panels, Variable Frequency Drive (VFD), Synchronising Panels, Motor Control Centres, Main Switch Boards, Distribution Boards, Metering Panels, Console Panels සහ Pump ආදිය සැළසුම් කිරීම, නිෂ්පාදනය සහ පරීක්ෂාව පිළිබඳ විශේෂඥ දැනුම ඔවුන් සතුය. එසේම සේවාදායකයන්ගේ අවශ්‍යතා අනුව පැනල් නිර්මාණය හා නිපදවීම සම්බන්ධයෙන්ද ප්‍රකට පුබුදු ඉංජිනියරින් සමාගම හෝටල්, කර්මාන්තශාලා, කුකුළු ගොවිපොළ, මහල් ගොඩනැඟිලි, රෝහල් සහ මහල් නිවාස සංකීර්ණ වැනි බොහෝ ස්ථානවලට අවශ්‍ය විදුලි ඉංජිනේරු සේවා සපයයි. හැව්ලොක් නගර සංවර්ධන ව්‍යාපෘතිය, අකුරේගොඩ ආරක්ෂක අමාත්‍යංශ මූලස්ථානය, නාරාහේන්පිට කම්කරු දෙපාර්තමේන්තුව (මෙහෙවර පියස), නව නවලෝක වෛද්‍ය මධ්‍යස්ථානය, ශ්‍රී ලංකා ටෙලිකොම් වැලිකඩ ශාඛාව, බත්තරමුල්ල පුද්ගල හඳුනා ගැනීම් ලේකම් කාර්යාලය, ඒකල හා කිඹුලාපිටිය කැම්සෝ ගබඩා සංකීර්ණ, නාරාහේන්පිට නව යුද හමුදා රෝහල, ජාතික ජල සම්පාදන හා ජලාපවාහන මණ්ඩලයට අයත් අඹතලේ ඒකකය ඔවුන් මෑතකදී සේවා සැපයූ ව්‍යාපෘති කිහිපයකි. 6000A, 4000A, 3200A, I600A, 800A සඳහා KEMA, ASTS, CPRI සහතික කළ, IEC 61439 අනුව සැළසුම් සත්‍යාපන සහතිකයට අනුකූලව පුබුදු  ඉංජිනියරින් සමාගම නිෂ්පාදන කටයුතු සිදු කරයි. භූමි කම්පාවලට ඔරොත්තු දීමට උපකාර වන භූ කම්පන පරීක්ෂණ සහතිකයද ඔවුන් සතුය. ඔවුන් ISO 9001:2015 ජාත්‍යන්තර තත්ත්ව සහතිකයෙන්ද පිදුම් ලබා ඇත.

Leave a Reply

Your email address will not be published. Required fields are marked *