ජාතික තොරතුරු හා සන්නිවේදන තාක්ෂණ විසඳුම් සම්පාදක SLT-MOBITEL, රටේ සංස්කෘතික හා ආගමික වශයෙන් වැදගත්කමක් උසුලන උත්සවවලට දායකත්වය දැක්වීමේ මෙහෙවරෙහි තවත් එක් පියවරක් වශයෙන් මෙවරත් මහනුවර ඇසළ පෙරහැර සාර්ථක කරගැනීමට තම බැතිබර දායකත්වය ලබාදුන්නේ ය.
මේ වනවිට SLT-MOBITEL ශ්‍රී දළදා මාළිගාවට අධිවේගී අන්තර්ජාල සම්බන්ධතා පහසුකම් මෙන්ම, PEO TV සම්බන්ධතා පහසුකම්ද ලබා දී තිබේ. මෙම පහසුකම් හේතුවෙන් සංස්කෘතික හා ආගමික වැඩසටහන් රාශියක් ජනතාවට ඉදිරිපත් කිරීමට ශ්‍රී දළදා මාළිගාවේ මාධ්‍ය මධ්‍යස්ථානයට හැකියාව ලැබී ඇත. මේ අතරට වාර්ෂික ඇසළ පෙරහැර මංගල්‍යය සජීවී ලෙස විකාශය කිරීම, සංස්කෘතික හා ආගමික වාර්තා වැඩසටහන් වේගවත්ව හා පහසුවෙන් අන්තර්ජාලයට ඇතුළත් කිරීම සහ ශ්‍රී දළදා මාළිගාfj ආගමික උත්සව ආවරණය කිරීම ඇතුළු බොහෝ දේ ඇතුළත් වේ.
ලොව පැරණිතම මෙන්ම වඩාත්ම ගෞරවයට පාත්‍ර වූ ආගමික උත්සවයක්වන මහනුවර දළදා පෙරහැර, රටේ ආගමික උත්සව අතර ප්‍රමුඛස්ථානයක් ගනී.
ශ්‍රී ලංකාවේ සංස්කෘතික විවිධත්වය සහ රමණීයත්වය පෝෂණය කිරීමට කැප වී සිටින සන්නාමයක් ලෙස SLT-MOBITEL ඉදිරියටත් මෙවැනි ජාතික, ආගමික හා සංස්කෘතික වැදගත්කමකින් යුත් උත්සවවලට තම දායකත්වය ලබාදෙනු ඇත.
