සෙලින්කෝ ලයිෆ් සමාගමේ අති දැවැන්ත ‘ෆැමිලි සවාරි’ ප්රවර්ධන වැඩසටහනේ 19 වැනි අදියර යටතේ ජයග්රාහී ඔප්පු හිමි පවුල් 10කට සියලු වියදම් දරන ලද මැලේසියානු සංචාරයක් පිරිනමන ලදී.
ජයග්රාහී පවුල්වල සාමාජිකයින් 40 දෙනෙකු මෙම සංචාරයට එක්වූ අතර, මව්පියන්ට මෙන්ම දරුවන්ටද විනෝදාස්වාදය, විවේකය සහ සංචාරක අත්දැකීම් රැසක් එක් කළ විශේෂ වැඩසටහනක් ඔවුන් වෙනුවෙන් සංවිධානය කර තිබුණි.
මෙම සංචාරයේදී ජයග්රාහකයින්ට මැලේසියාවේ අගනුවර වන ක්වාලාලම්පූර් නගරයේ ප්රධාන ආකර්ෂණීය ස්ථාන රැසක් නැරඹීමේ අවස්ථාව හිමිවිය. ලොව ප්රකට පෙට්රෝනාස් නිවුන් කුළුණු, KLCC මින්මැදුර සහ KLCC ලේක් සිම්ෆනි ජල සංදර්ශනය නැරඹීම සංචාරයේ විශේෂ අවස්ථා අතර විය.
එමෙන්ම, එම පිරිස ජෙන්ටින් උස්බිම් වෙත කේබල් කාර් මගින් ගමන් කරමින් අලංකාර දර්ශන රැසක් රසවිඳි අතර, කලාපයේ ප්රමුඛතම තේමා උද්යානයක් වන ජෙන්ටින් ස්කයිවර්ල්ඩ්ස් තේමා උද්යානයේ දවස පුරා විනෝදාස්වාදය භුක්ති විඳීමටද අවස්ථාව ලැබුණි.
මෙම සංචාරය පුරා ෆැමිලි සවාරි සන්නාම තානාපතිවරුන් වන රොෂාන් රණවන, කුෂ්ලානි සහ ඔවුන්ගේ පුත් මිනෙත් ජයග්රාහකයින් සමඟ එක්ව සිටි අතර, ඔවුන්ගේ සහභාගීත්වය සංචාරයට සතුට සහ උද්යෝගය එක් කළේය.
සංචාරයේ සියලු වියදම් සෙලින්කෝ ලයිෆ් විසින් දරනු ලැබූ අතර, සාම්ප්රදායික ප්රතිලාභවලින් ඔබ්බට ගොස් ඔප්පු හිමියන්ගේ ලැදියාව අගය කරමින් අර්ථවත් සහ අමතක නොවන අත්දැකීම් පිරිනැමීමට සමාගම දක්වන කැපවීම මෙයින් යළිත් තහවුරු කර තිබේ.
ෆැමිලි සවාරි වැඩසටහන යටතේ පිරිනමනු ලබන විශේෂ අත්දැකීම් අතරින් මැලේසියානු සංචාරයද එකක් වන අතර, ශ්රී ලංකාවේ ජීවිත රක්ෂණ ක්ෂේත්රයේ වඩාත් ජනප්රිය පාරිභෝගික සහභාගීත්ව වැඩසටහන් අතරින් එකක් ලෙස මෙම වැඩසටහන අඛණ්ඩව පවුල්වලට අමතක නොවන මතකයන් රැසක් තිළිණ කරමින් සිටියි.
