සන්ෂයින් හෝල්ඩින්ග්ස් සතුට හා නිර්මාණශීලිත්වය සමඟින් ලෝක ළමා දිනය සමරයි

සන්ෂයින් හෝල්ඩින්ග්ස් තම සේවකයින්ගේ දරුවන් ද සමඟින් එක්ව බත්තරමුල්ල අපේ ගම පරිශ්‍රයේදී සිය ලෝක ළමා දින සැමරුම් උත්සවය පසුගියදා පවත්වනු ලැබීය. මෙම අවස්ථාවට වයස අවුරුදු 16 ට අඩු දරුවන් සහභාගී වූ අතර එදින විනෝදාස්වාදය සහ නිර්මාණශීලිත්වයට මූලිකත්වය දෙමින් විශේෂාංග රැසක් ද සංවිධානය කර තිබුණි. 

“යහපත් දේ ජීවිතයට ගෙන ඒම” යන සන්ෂයින් හි දැක්ම අනුව යමින් සෑම දරුවෙකුටම සිත් සේ විනෝද විය හැකි පරිදි විවිධ ක්‍රියාකාරකම් රැසක් මෙහිදී සංවිධානය කර තිබූ අතර විචිත්‍රවත් මුහුණු පින්තාරු කිරීම්වල සිට චිත්‍ර, නැටුම් සහ ගායන තරඟ, ආකර්ෂණීය මැජික් සංදර්ශනයක්, ක්‍රීඩා තරග, සජීවී විවිධ ඇඳුම් තරඟයක් සහ සිත් ඇදගන්නා සුළු විනෝද ක්‍රීඩා ඊට ඇතුළත් විය. දරුවන්ට ඔවුන්ගේ දක්ෂතා පෙන්වීමට, සිත් සේ විනෝද වීමට අවස්ථාව ලබා දීම සහ ඔවුන්ව අගය කිරීම සමාගම විසින් මෙවැනි වැඩසටහනක් සංවිධානය කිරීමේ අරමුණ විය. මීට අමතරව දරුවන්ගේ හැකියාවන් සහ නිර්මාණශීලීත්වය ඔපමට්ටම් කිරීමේ අරමුණින් පැවැත් වූ තරඟවල ජයග්‍රාහකයින් ඇගයීම සහ සම්මාන ප්‍රදානය කිරීම ද මෙහිදී සිදුකෙරිණි.

රට සංවර්ධනය කිරීමට දායක වීම සඳහා කැපවී සිටින සන්ෂයින් හෝල්ඩින්ග්ස් මෙම වැඩසටහන තුළින් රටේ අනාගතයේ තීරණාත්මක බලවේගය ලෙස සලකන දරුවන් කෙරෙහි අවධානය යොමු කරයි- තවද දැයේ අනාගත පරපුර වෙනුවෙන් වූ සමාගමේ කැපවීම මෙම ළමා දින සැමරුම සාක්ෂි දැරූ අතර එදින පුරාවට දරුවන්ට සහ ඔවුන්ගේ දෙමාපියන්ට විනෝදයෙන්, සතුටින් හා ඵලදායීව ගත කිරීමට අවස්ථාව උදා විය. මෙදින ආදරණීය සහ සදාතනික මතකයන් රැසක් නිර්මාණය කළ අතර අනාගතයේදී රට බාර ගැනීමට සිටින වත්මන් ළමා පරපුර දිරිමත් කිරීමට සහ දක්ෂතා ඔප්නැංවීමට ද මෙම සැමරුම කඳිම තෝතැන්නක් විය.