FemTech ඇඟලුම් කර්මාන්තයේ ගෝලීය ප්රමුඛයෙකු වන MAS Femography සහ Selyn පදනම අත්වැල් බැඳගනිමින් 2026 වසරේ දී #BleedGood වැඩසටහන හරහා ඔසප් දරිද්රතාවය තුරන් කිරීම සඳහා ඔවුන්ගේ අඛණ්ඩ කැපවීම නැවතත් පෙන්නුම් කර ඇත.
මෙම සුවිශේෂී හවුල්කාරිත්වය තුළින් මෙරට කාන්තාවන්ගේ සෞඛ්යය හා සමස්ත යහපැවැත්ම වැඩිදියුණු කිරීම සහ කාන්තා ප්රජාවට පරිසර හිතකමී ගෞරවාන්විත කාන්තා සනීපාරක්ෂාවක් සහතික කිරීම සඳහා Selyn සහ MAS Femography හි ඒකායන අරමුණ පිළිබිඹු කරයි.
මෙම හවුල්කාරීත්වය පිළිබඳව අදහස් දක්වමින් Selyn සහ Selyn පදනමේ අධ්යක්ෂිකා සෙලීනා පීරිස් මහත්මිය පැවසුවේ “අපේම කාන්තා ප්රජාවගේ ඔසප් දරිද්රතාවට විසඳුම් සෙවීම සඳහා පසුගිය වසංගත කාල පරිච්ඡේදයේදී Selyn පදනම විසින් මෙම වැඩසටහන නිර්මාණය කරනු ලැබුවා. මෙය ශ්රී ලංකාව පුරා ව්යාප්ත වී ඇති ආකාරය දැකීම ගැන සැබවින්ම ඉතා සතුටුයි. MAS වැනි ආයතනයක් සමඟ අත්වැල් බැඳගැනීම මෙම වැඩසටහන වැඩි පිරිසකට ළඟා වීමටත් ඉන් විශාල බලපෑමක් කිරීමටත් උපකාර වනවා.’’ යනුවෙනි.
#BleedGood සෑම වැඩසටහනක්ම කොටස් හතරකින් යුක්තය. සහභාගිවන්නන්ට ඉහළ ආරක්ෂිත, ගුණාත්මක ප්රමිතියකට නිර්මාණය කර ඇති නැවත භාවිතා කළ හැකි Femme-Care සනීපාරක්ෂක නිෂ්පාදන ලබා දෙන අතර ඒවා ආරක්ෂිතව සහ නිවැරදිව භාවිතා කරන ආකාරය පිළිබඳව ද ඔවුන්ට උපදෙස් ලබා දෙයි.
මෙම වැඩසටහනට ඔසප් සනීපාරක්ෂාව සහ ප්රජනක සෞඛ්යය පිළිබඳ සුදුසුකම්ලත්/ලියාපදිංචි වෛද්ය වෘත්තිකයන් විසින් මෙහෙයවනු ලබන අධ්යාපන සැසි, පිරිමි පුද්ගලයින් සහ පිරිමි ළමයින් සම්බන්ධ කර ගැනීම සඳහා පුහුණුවලත් පිරිමි උපදේශකයින් විසින් මෙහෙයවනු ලබන සැසි මෙන්ම පාරිසරික විශේෂඥයින් විසින් නිර්මාණය කරන ලද පරිසරය සහ දේශගුණය පිළිබඳ සැසි ද ඇතුළත් වේ. මෙය හොඳින් ක්රියාත්මක වන්නේ ද යන්න නිරීක්ෂණය කිරීමට සහ ඇගයීමට ශක්තිමත් පද්ධතියක් භාවිත කරන අතර එම තොරතුරු ශ්රී ලංකාවේ ඔසප් සමානාත්මතාවය සහ තිරසාර විසඳුම් ප්රවර්ධනය කිරීම සඳහා ප්රතිපත්ති සම්පාදකයින්ට වඩාත් නිවැරදි තීරණ ගැනීමට උපකාරී වේ.
Selyn පදනම සහ MAS Femography කාන්තාවන්ගේ අත්යාවශ්ය සනීපාරක්ෂක අවශ්යතා සපුරාලීමට කටයුතු කරයි. එමෙන්ම ඔවුන්ගේ දැනුම, කුසලතා හා අත්දැකීම් සහ කාන්තාවන් වෙනුවෙන්ම නිර්මාණය කරන ලද විසඳුම් භාවිතා කරමින් ඔසප් සෞඛ්යය පිළිබඳව පෙරමුණ ගෙන කටයුතු කරයි. මීට අමතරව Selyn පදනම සතුව ප්රජාවන් සමඟ සෘජුවම ව්යාපෘති ක්රියාත්මක කිරීම, ඔසප් සනීපාරක්ෂණ නිෂ්පාදනවලට ප්රවේශය පහසු කරන අතරම පරිසර හිතකාමී විකල්ප තෝරා ගැනීම සහ උපදේශනය වැනි ක්ෂේත්රවල අත්දැකීම් රැසක් ඇත.
“ඔසප් වීම, මාතෘත්වය හා ආර්තවහරණය කාලය තුළ කාන්තාවන්ට සහාය වන විද්යාව පදනම් කරගත් ඇඟලුම් විසඳුම් නිර්මාණය සහ නිෂ්පාදනය කිරීම පිළිබඳ අපගේ අත්දැකීම් අපට බොහෝ දේ උගන්වා තිබෙනවා. ඒ හරහා ඔසප් සමානාත්මතාවය යනු අපගේ කාලයේ වඩාත් වැදගත් වූ නමුත් විසඳිය හැකි අභියෝගයක් බව අපට පැහැදිලි වුණා. සැබෑ ප්රගතිය ආරම්භ වන්නේ මෙය එක් කණ්ඩායමක කාර්යයක් පමණක් නොව සෑම දෙනෙකුගේම වගකීමක් බවත් දිගුකාලීන සමාජ සම්බන්ධතාවය සහ තාක්ෂණික නවෝත්පාදනය යන දෙකම අවශ්ය බවත් හඳුනාගතහොත් පමණයි.’’ යනුවෙන් MAS Femography හි ප්රධාන විධායක නිලධාරී Pilar Diaz මහත්මිය සඳහන් කළාය.
“නැවත භාවිතා කළ හැකි සනීපාරක්ෂක තුවා වැනි පරිසර හිතකාමී සනීපාරක්ෂක නිෂ්පාදනවලින් බොහෝ ප්රතිලාභ තිබෙනවා. එමගින් පාරිසරික හානිය අවම කිරීම, කාලයත් සමඟ පිරිවැය අඩු කිරීමට අමතරව කාන්තාවන් හා ගැහැණු ළමයින් සඳහා ඔසප් සෞඛ්යය සහ යහපැවැත්ම ද වැඩි දියුණු කරනවා.” යනුවෙන් ඇය වැඩිදුරටත් සඳහන් කළාය.
2020 වසරේදී දියත් කරන ලද #BleedGood වැඩසටහන, Covid-19 වසංගතය සහ පසුව ඇති වූ ආර්ථික අර්බුදය හේතුවෙන් ඉහළ ගිය ඔසප් දරිද්රතාවයට හදිසි ප්රතිචාරයක් ලෙස ආරම්භ විය. අද වන විට, එය රජයේ ආයතන, පෞද්ගලික අංශය, රාජ්ය නොවන සංවිධාන සහ බිම් මට්ටමේ සංවිධාන සමඟ එක්ව ක්රියාත්මක වන පුළුල් හවුල්කාරී ව්යාපාරයක් බවට වර්ධනය වී ඇත.
#BleedGood වැඩසටහන දේශීයව පමණක් නොව විදේශීය රටවල ද ක්රියාත්මක වන අතර ඇෆ්ගනිස්ථානය සහ බංග්ලාදේශය වැනි රටවල එහි නියමු වැඩසටහන් දැනට ක්රියාත්මක වේ. එමෙන්ම නැවත භාවිතා කළ හැකි සනීපාරක්ෂක නිෂ්පාදන සඳහා ජාතික සහ ගෝලීය ප්රමිතීන් සංවර්ධනය කිරීම සඳහා ද පදනම අඛණ්ඩව කටයුතු කරයි.
