Cinnamon Life at City of Dreams Sri Lanka හි සාමාන්යාධිකාරීවරයා ලෙස 2026 පෙබරවාරි 15 වන දින සිට බලපැවැත්වෙන පරිදි කමල් මුණසිංහ මහතා පත් කර ඇති බව නිවේදනය කර ඇත. මුණසිංහ මහතා Colombo Hotels at Cinnamon Hotels & Resorts හි ජ්යෙෂ්ඨ උප සභාපති ලෙස ඔහුගේ වත්මන් භූමිකාවේ ද අඛණ්ඩව කටයුතු කරනු ඇත.
මෙම නව භූමිකාව තුළ මුණසිංහ මහතා දකුණු ආසියාවේ ප්රථම පූර්ණ ඒකාබද්ධ සංචාරක හෝටල් සංකීර්ණය වන Cinnamon Life හි දෛනික මෙහෙයුම් මෙහෙය වීමට නියමිතය. Cinnamon Life එහි ඊළඟ සංවර්ධන අදියර කරා ගමන් කරන විට එය සුඛෝපභෝගී හෝටල්, විනෝදාස්වාද අත්දැකීම් සහ ව්යාපාරික අවස්ථාවන් සඳහා කොළඹ නගරය ජාත්යන්තර වශයෙන් වඩාත් පිළිගත් ගමනාන්තයක් බවට පත් කිරීමට ඔහු නායකත්වය ලබා දෙනු ඇත.
ශ්රී ලංකාවේ සහ ජාත්යන්තරයේ හෝටල් හා සංචාරක ක්ෂේත්රයේ වසර 30 කට වැඩි පළපුරුද්දක් ඇති ඒ මහතා Marriott, Hyatt සහ Mövenpick වැනි සුප්රසිද්ධ ගෝලීය සන්නාමයන් ජ්යෙෂ්ඨ නායකත්ව භූමිකාවන් දරා ඇත. මෑතක් වන තුරු ඔහු Cinnamon Hotels & Resorts හි ප්රධාන මෙහෙයුම් නිලධාරියා ලෙස කටයුතු කළ අතර එහිදී ශ්රී ලංකාව සහ මාලදිවයින සඳහා එම සමූහයට අයත් හෝටල් සහ නිවාඩු නිකේතන 17 හරහා මෙහෙයුම් ශක්තිමත් කිරීම සහ නිරන්තරයෙන් සංචාරකයින්ගේ අත්දැකීම් ඉහළ නැංවීම සඳහා ප්රධාන කාර්යභාරයක් ඉටු කළේය.
කමල් මුණසිංහ මහතා වසර ගණනාවක් Cinnamon සන්නාමය සමඟ කටයුතු කර ඇත. ඔහු මීට පෙර කොළඹ කලාපීය උප සභාපති සහ Cinnamon Grand Colombo හි සාමාන්යාධිකාරී ලෙස සේවය කර ඇති අතර උසස් තත්ත්වයේ හෝටල් සහ සංචාරක අත්දැකීම් ලබා දීම සඳහා කොළඹ නගරය සංවර්ධනය කිරීමට ඔහු කැපී පෙනෙන දායකත්වයක් ලබා දුන්නේය. Cinnamon සමඟ නැවත සම්බන්ධ වීමට පෙර ඒ මහතා Hyatt හෝටල් සමූහයේ කොටසක් වන ක්වාලාලම්පූර් Alila Bangsar හි සාමාන්යාධිකාරීවරයා ලෙස සේවය කළේය.
ස්විට්සර්ලන්තය, මැලේසියාව සහ වියට්නාමය යන රටවල ද සේවය කර ඇති මුණසිංහ මහතා වෘත්තීය අත්දැකීම් රැසක් සහ ශක්තිමත් ගෝලීය ඉදිරි දැක්මක් සහිත නායකයෙකි. වෙනස් වන සංචාරක අවශ්යතාවන් සහ වෙළඳපල ප්රවණතා පිළිබඳ පැහැදිලි අවබෝධයකින් ඔහුගේ නායකත්ව භූමිකාව හැඩගැසී ඇත. ස්විට්සර්ලන්තයේ ෂිලර් ජාත්යන්තර විශ්ව විද්යාලයේ උපාධිධාරියෙකු වන ඒ මහතා නවෝත්පාදනය, නම්යශීලීව වැඩ කිරීම හා වෙනසට අනුවර්තනය වීම මෙන්ම උපාය මාර්ගික සැලසුම් ක්රියාත්මක කිරීමෙහිලා කීර්තියක් උසුලයි. කොළඹ නගරය තරඟකාරී ගමනාන්තයක් ලෙස අඛණ්ඩව සංවර්ධනය වන විට ඔහුගේ මෙම අත්දැකීම් වඩාත් ඉවහල් වනු ඇත.
ශ්රී ලංකාව ගෝලීය සංචාරක සිතියමේ කේන්ද්රස්ථානයක් බවට පත් කරන Cinnamon Life at City of Dreams කමල් මුණසිංහ මහතාගේ මෙම පත්වීම මෙරට සංචාරක ක්ෂේත්රයට ඉතා වැදගත් අවස්ථාවකි. Cinnamon Life සියලු පහසුකම්වලින් සමන්විත දකුණු ආසියාවේ පළමු පූර්ණ ඒකාබද්ධ සංචාරක හෝටල් සංකීර්ණය මෙන්ම පෞද්ගලික අංශය විසින් සිදු කරනු ලබන විශාලතම ආයෝජනය ලෙස ද සැලකෙයි. මෙය සුඛෝපභෝගී නවාතැන් පහසුකම්, ජාත්යන්තර ප්රමිතියෙන් හා සියලු පහසුකම්වලින් සමන්විත විනෝදාස්වාද කලාප, ප්රණීත ආහාරපාන, සාප්පු සවාරි සහ සංස්කෘතිකමය අත්දැකීම්වලින් සමන්විතය. තවද මෙයට කාමර 684ක්, විශේෂ උත්සවශාලා 5ක්, විවිධ රසවත් හා ප්රණීත ආහාරපාන සහිත අවන්හල්, සුපිරි සාප්පු සවාරි අත්දැකීම්වලට අමතරව ශ්රී ලාංකික කලාකරුවන්ගේ කලා කෘති 1,000 කට අධික එකතුවක් ද ඇතුළත් වේ. Cinnamon Life උසස් තත්ත්වයේ සත්කාරක සේවාව, ව්යාපාර සහ සංස්කෘතිය එකට එක් කර අමුත්තන්ට අද්විතීය අත්දැකීමක් ලබා දෙයි.
මුණසිංහ මහතාගේ නායකත්වය යටතේ Cinnamon Life එහි අඛණ්ඩ සංවර්ධනය සමඟින් සුවිශේෂී පරිවර්තනයක් බවට පත් කරන ගමනාන්තයක් ලෙස එහි දැක්ම සමඟ ඉදිරියට යනු ඇති අතර කොළඹ නගරය ගෝලීය සංචාරක සිතියමේ වඩාත් පිළිගැනීමට ලක්වීමට ද උපකාරී වනු ඇත.
