DFCC බැංකුව 2026 වසර සඳහා වන, සිය ප්රජා සත්කාරක සහ සේවක සුවසෙත සඳහා වූ වැඩසටහන් මාලාව ආරම්භ කරමින්, වාර්ෂිකව පවත්වනු ලබන ‘Ride for Life’ පාපැදි සවාරිය පසුගියදා සාර්ථකව පවත්වන ලදී. මානසික සෞඛ්ය පිළිබඳ දැනුවත්භාවය ඇති කිරීම සහ ශ්රී ලංකාවේ සියදිවි නසාගැනීම් වැළැක්වීමේ ක්ෂණික දුරකථන සේවාව වන ‘1333’ සඳහා සහය දැක්වීම මූලික අරමුණු කරගනිමින් සංවිධානය කළ මෙම පාපැදි සවාරිය සඳහා බැංකුවේ කාර්ය මණ්ඩලය සහ ගනුදෙනුකාරභවතුන් 150කට ආසන්න පිරිසක් සහභාගී විය.
මෙහි පළමු අදියර බැංකු කාර්ය මණ්ඩල සාමාජිකයින්ගේ සහභාගීත්වයෙන් කොළඹ, මහනුවර, මීගමුව සහ ගාල්ල යන නගර කේන්ද්ර කරගනිමින් සමගාමීව පැවැත්විණි. ඒ සඳහා සහභාගී වූ 100කට අධික සේවක පිරිස අතරින්, එක් අයෙකු කිලෝමීටර් 20ක දුරක් පාපැදියෙන් ගමන් කරමින්, මානසික සෞඛ්ය ගැටලු හඳුනාගැනීම සහ ඒ සඳහා අවශ්ය සහය ලබාගැනීමේ වැදගත්කම පිළිබඳව මහජනතාව දැනුවත් කළහ.
මෙම වැඩසටහනේ දෙවන අදියර DFCC Pinnacle ගනුදෙනුකාරභවතුන්ගේ සහභාගීත්වයෙන් පැවැත්වුණු අතර, ඒ සඳහා පාපැදි කරුවන් 50 දෙනෙකු පමණ එක්වූහ. ඔවුන් කිලෝමීටර් 21ක දුරක් ගමන් කරමින් බැංකුවේ මෙම සත්කාරය සඳහා සිය දායකත්වය ලබා දුන්හ. මෙම අදියර ද්විත්වය හරහා සමස්තයක් ලෙස කිලෝමීටර් 100කට ආසන්න දුරක් ආවරණය වූ අතර, එය මෙරට පවතින තීරණාත්මක සමාජීය ගැටලුවක් සම්බන්ධයෙන් සාමූහිකව මැදිහත් වීමේ වැදගත්කම සංකේතවත් කළේය.
මෙම වැඩසටහන 2026 වසර තුළ DFCC බැංකුව විසින් මානසික සෞඛ්ය සහ මානසික සුවතාව ප්රවර්ධනය කිරීම වෙනුවෙන් ක්රියාත්මක කිරීමට සැලසුම් කර ඇති පුළුල් වැඩසටහන් මාලාවක සමාරම්භයයි. මෙවැනි අඛණ්ඩ මැදිහත්වීම් හරහා DFCC බැංකුව සිය සමාජ වගකීම් අඛණ්ඩව සහ වගවීමෙන් ඉටු කරන අතරම, ඒ හරහා පියවරෙන් පියවර අර්ථවත් සමාජීය වෙනසක් ඇති කිරීමට හැකි බවද බැංකුව තරයේ විශ්වාස කරයි.
