இலங்கையின் முன்னணி உடற்பயிற்சி மற்றும் வாழ்க்கைமுறை ஆடை வர்த்தக நாமமான கார்னேஜ் (Carnage), இலங்கை தேசிய ரக்பி அணியின் உத்தியோகபூர்வ ஆடைப் பங்காளராக கைகோர்த்துள்ளது. ‘செயல்திறன் என்பது தானாக கிடைப்பதில்லை, அது உழைப்பால் ஈட்டப்படுவது’ என்ற ஒரே கொள்கையைப் பகிர்ந்து கொள்ளும் ஒரு வர்த்தக நாமத்தையும், விளையாட்டையும் இந்த இணைப்பு ஒன்றுசேர்த்துள்ளது.
கார்னேஜ் வர்த்தக நாமத்தை பொறுத்தவரை, சிறந்த விளையாட்டிற்குத் தேவையான வேகம், பலம், ஒழுக்கம், குழுப்பணி மற்றும் அழுத்தமான சூழலிலும் தொடர்ந்து போராடும் திறன் என அனைத்து குணங்களையும் ரக்பி பிரதிபலிக்கிறது.
இதுதொடர்பில் கார்னேஜ் நிறுவனத்தின் ஸ்தாபகர் ஜொயல் திலகரட்ன கருத்து தெரிவிக்கையில், “ஒவ்வொரு நாளும் களமிறங்கி, கடினமாக உழைத்து, நம்மை ஒரு சதவீதம் மேன்மைப்படுத்திக் கொள்வதன் மூலமே வளர்ச்சி சாத்தியம் என்ற நம்பிக்கையில்தான் கார்னேஜ் பயணித்து வருகிறது, ரக்பி விளையாட்டும் இதே மனநிலையைத்தான் வெளிப்படுத்துகிறது. அதற்கு அர்ப்பணிப்பும், மனஉறுதியும், ஒரு அணியாகச் செயல்படும் திறனும் தேவை. நமது தேசிய ரக்பி அணிக்கு ஆதரவாக கார்னேஜ் நிற்பது எனக்கு பெருமையளிக்கிறது. மேலும், அவர்களின் இந்தப் பயணத்தில் ஒரு பகுதியாக இருக்க நாங்கள் ஆவலுடன் எதிர்பார்க்கிறோம்.” என தெரிவித்தார்.
இந்த உத்தியோகபூர்வ ஆடைப் பங்கான்மையின் கீழ், தேசிய ரக்பி அணிக்குத் தேவையான ஆடைகளை கார்;னேஜ் வழங்கும். இதன் மூலம் இலங்கை விளையாட்டுத் துறையில் தனது இருப்பை கார்னேஜ் மேலும் வலுப்படுத்துகிறது.
இலங்கையின் விளையாட்டுத் திறமைகளை ஆதரிப்பதற்கான கார்னேஜின் பரந்த அர்ப்பணிப்பையும் இக்கூட்டாண்மை மேலும் உறுதிப்படுத்துகிறது. Carnage Athletes Foundation மூலம், திறமைமிக்க விளையாட்டு வீரர்களை அடையாளம் கண்டு, அவர்களைப் பயிற்சிவித்து, சர்வதேச அளவுக்குக் கொண்டு சேர்க்கும் நோக்கில் முதலீடு செய்து வருகிறது. அதுமாத்திரமின்றி, அண்மையில், இலங்கை தேசிய ஒலிம்பிக் குழுவின் உத்தியோகபூர்வ ‘ஆக்டிவ்வேர்’ பங்காளராகவும் (Official Activewear Partner) கார்னேஜ் இணைந்திருந்தது குறிப்பிடத்தக்கது.
இலங்கை ரக்பி தனது அடுத்த கட்ட வளர்ச்சியை நோக்கி நகர்ந்து வரும் வேளையில், இந்த கூட்டாண்மை ஒரு உள்நாட்டு வர்த்தக நாமத்தை தேசிய ரக்பி அணியுடன் ஒன்றிணைத்துள்ளது.
இந்த நிலையில். இலங்கை ரக்பி சங்கத்தின் தலைவர் பவித்ர பெர்னாண்டோ கருத்து தெரிவிக்கையில். “இலங்கையைப் பிரதிநிதித்துவப்படுத்துவது என்பது விளையாட்டு மைதானத்தையும் தாண்டிய ஒரு தீவிரமான அர்ப்பணிப்பு தேவைப்படுகிறது, இந்த உயர்மட்டத்தில் செயல்படுவதற்குத் தேவையான ஒழுக்கம் மற்றும் மன உறுதியை கார்னேஜ் சரியாகப் புரிந்து கொண்டுள்ளது. எனவே, அவர்கள் நமது தேசிய ரக்பி அணிக்கு ஒரு வலுவான பங்காளராக இருப்பார்கள். எமது வீரர்களுக்குத் தேவையான வசதிகளை வழங்கி, அவர்கள் நாட்டிற்குப் பெருமை சேர்க்கும் பயணத்தில் இணைந்து பணியாற்ற எதிர்பார்க்கிறோம்.” என்றார்.
பயிற்சி மைதானம் முதல் போட்டி நடைபெறும் நாள் வரை, வெற்றிக்குப் பின்னால் இருக்கும் உழைப்பிற்கும், இலங்கை அணியை மைதானத்திற்குள் அழைத்துச் செல்லும் வீரர்களுக்கும் கார்னேஜ் தனது முழு ஆதரவையும் வழங்குகிறது.
இந்தக் கூட்டாண்மையானது இலங்கை விளையாட்டுத் துறையில் கார்னேஜ் நிறுவனம் கொண்டுள்ள வளர்ந்து வரும் அர்ப்பணிப்பின் மற்றொரு மைல்கல்லாகும்.
