ඉදිරියේදී පැවැත්වීමට නියමිත 6 වන LPL තරඟාවලිය වෙනුවෙන් ක්රීඩා කිරීමට නියමිත Jaffna Kings කණ්ඩායමේ හිමිකාරීත්වය Sports Commune සමාගමට පැවරුණු බව පසුගියදා නිවේදනය කරන ලදී. සමාගම මෙහෙයවනු ලබන්නේ ඉන්දීය ක්රීඩා ව්යවසායකයින් වන Manjot Kalra සහ Mayank Goel විසිනි.
LPL තරඟාවලිය වෙනුවෙන් මේ වන විටත් ශ්රී ලංකා පිතිකරුවකු වන භානුක රාජපක්ෂ සහ තුන් ඉරියව් ක්රීඩක දුනිල් වෙල්ලාලගේ සමඟ ගිවිසුම්ගත වීමට Sports Communeසමාගම කටයුතු කර ඇත.
දිල්ලියේ වෙසෙන හිටපු වෘත්තීය ක්රිකට් ක්රීඩකයකු මෙන්ම ඩිජිටල් නිර්මාණකරුවකු සහ podcast නිවේදකයකු වන Manjot Kalra , Sports Commune සමාගමේ සම නිර්මාතෘ ලෙස කටයුතු කරයි. සිය Second Innings with Manjot Kalra වැඩසටහන හරහා ක්රීඩක ක්රීඩිකාවන් සම්බන්ධ කරගනිමින් ක්රීඩා තොරතුරු සහ අත්දැකීම් ප්රේක්ෂකයින් සමඟ බෙදා හදා ගැනීමට ඔහු සමත්ව සිටියි. සමාගමේ අනෙක් සම නිර්මාතෘ ලෙස කටයතු කරන්නේ Mayank Goel ය. ඔහු ඩිජිටල් ආරක්ෂණ, රක්ෂණ සහ ක්රීඩා සංවර්ධනය ක්ෂේත්රයන්හි ව්යාපාර රැසක් මෙහෙයවන ව්යවසායකයෙකි.
Jaffna Kings හි නව හිමිකාරීත්වයට සුබ පැතුම් එක් කළ ඛඡඛ තරඟාවලි අධ්යක්ෂ සමන්ත දොඩන්වල මහතා “6 වන LPL තරඟාවලිය සඳහා Jaffna Kings කණ්ඩායමේ නව හිමිකරුවන් බවට පත් වූ Sports Commune සමාගම ශ්රී ලංකා ක්රිකට් ආයතනය වෙනුවෙන් සාදරයෙන් පිළිගන්නවා. ක්රිකට් ක්රීඩාව වෙනුවෙන් එම සමාගම සතු කැපවීම, තරුණ දායකත්වය මෙන්ම ක්රීඩා සංවර්ධනය මෙම තරඟාවලිය තව දුරටත් ශක්තිමත් කිරීමට හේතු වනවා” යනුවෙන් පැවසීය.
IPG Global සමාගමේ නිර්මාතෘ සහ සභාපති Anil Mohan මහතා මෙහිදී අදහස් දක්වමින් පවසා සිටියේ Sports Commune සතු ක්රිකට් දැනුම, ව්යාපාරික අත්දැකීම් හා ඩිජිටල් තාක්ෂණික දායකත්වය Jaffna Kings කණ්ඩායමට සුවිසල් ශක්තියක් වනු ඇති බවයි. එසේම ඉහළ තරඟකාරීත්වයක්, රසික ආකර්ෂණයක් හා වාණිජමය අවස්ථා රැසක් අරමුණු කරගත් මෙවර තරඟාවලියේදී Jaffna Kings කණ්ඩායමට පූර්ණ සහයෝගය ලබා දීමට තම සමාගම බලාපොරොත්තු වන බවද ඔහු පවසා සිටින ලදී.
