‘බිස්න්ස් ටුඩේ’ සගරාව විසින් වාර්ෂිකව පළ කරන ‘TOP 40’ ආයතනික ශ්රේණිගත කිරීමෙහි පළමු ස්ථානය අත් කර ගනිමින් කොමර්ෂල් බැංකුව අඛණ්ඩව 17 වන වසරටත් ශ්රි ලංකාවේ හොඳම කාර්ය සාධනය සහිත බැංකුව මෙන්ම ශක්තිමත්ම ආයතන පහෙන් එකක් ලෙස සිය ස්ථානය නැවත තහවුරු කර ඇත.
ශ්රී ලංකාවේ ප්රමුඛතම සමාගම් අතරින් අංක 01 ස්ථානයට පත් කරමින් ‘බිස්නස් ටුඩේ’ විසින් කොමර්ෂල් බැංකුවට සමස්ත ලකුණු 37.65 ක් ලබා දී ඇත.
උපායමාර්ගික පරිවර්තනය, විනයගරුක ක්රියාකලාපය, දිගුකාලීන තිරසාර වර්ධනය වෙනුවෙන් දැක්වූ නොසැලෙන කැපවීම තුළින් කොමර්ෂල් බැංකුව 2024 වසර සාර්ථකව නිම කළ බව පෙන්වා දුන් ‘බිස්නස් ටුඩේ’ සඟරාව, මෙම ශ්රේණිගත කිරීමේ දී වසර අවසානයේ දී, .නොසැලී සිටි පහන් ටැඹක්” ලෙස කොමර්ෂල් බැංකුව හදුන්වා දුන්නේය. මෙම ප්රකාශනය මගින් ප්රධාන ව්යාපාරික ක්ෂේත්ර හරහා මෙහෙයුම් දියත් කිරීම සඳහා බැංකුව සතු ශක්තිය, එහි හෘදයාංගම පාරිභෝගික අවධානය සහ කාර්යසාධන ගමන් පථය, අගය කර ඇති අතර ශ්රී ලංකාවේ බාධක හමුවේ නොසැලී සිටීමේ ඉහළ ම හැකියාවක් ඇති, සහ වඩාත් ම පාරිභොගික කේන්ද්රීය වූ මූල්ය ආයතනය ලෙස බැංකුව අත්කරගෙන ඇති කීර්තිනාමය තවත් ශක්තිමත් කර ඇත.
මෙම ශ්රේණිගත කිරීම පිළිබඳව අදහස් දක්වමින් කොමර්ෂල් බැංකුවේ කළමණාකාර අධ්යක්ෂ සහ ප්රධාන විධායක නිලධාරී සනත් මනතුංග මහතා මෙසේ පැවැසීය: “‘බිස්නස් ටුඩේ’ හි ඉහළම ශ්රේණිගත සමාගම් 40 අතරින් පළමු ස්ථානයට පත්වීම, දුෂ්කර වූ තත්ත්වයන් සහ තීරණාත්මක පරිවර්තනයන්ගෙන් පිරි වසරක් පුරාවට බැංකුව මෙහෙයවීමට අපට ශක්තිය දුන් අපගේ විනය, ඔරොත්තු දීමේ හැකියාව, සහ අරමුණ පිළිබඳ ප්රබල සහතිකයකි. 2024 වසරේ අපගේ කාර්ය සාධනය නිර්වචනය කරන ලද්දේ, මූලධර්ම පද්ධතිය ශක්තිමත් කිරීම, පාරිභෝගික සේවා සැපයීම, දිගුකාලීන සංවර්ධනය වෙනුවෙන් ආයතනය සූදානම් කිරීම ආදී වූ අපගේ ප්රමුඛතා අත්නොහැර, ව්යාකූල වූ තත්ත්වයන් හමුවේ අප සාර්ථකව ඉදිරියට ආ ගමනයි. මෙම ශ්රේණිගත කිරීම හුදෙක් සම්මානයක් පමණක් ම නොවේ. එය, අපගේ උපායමාර්ග ප්රතිඵලදායක වන බවටත්, නව විශ්වාසයකින් යුතුව ජාතික සංවර්ධනයට දායක වීමට බැංකුවට මනා හැකියාවක් පවතින බවටත් වූ සාක්ෂියකි.”
බිස්නස් ටුඩේ සඟරාව මගින් ද බැංකුව අදාල වසර තුළදී දැක්වූ වාර්තාගත මූල්ය කාර්යසාධනය ඉස්මතු කරන ලදී. කොමර්ෂල් බැංකුවේ සභාපති ෂාර්හන් මුෂීන් මහතා උපුටා දක්වමින් සඟරාව පැවසූයේ, බැංකුව තම ඉතිහාසයේ ඉහලම ලාභය ලබා ඇති බවත්, කාර්යක්ෂමතාව, ඩිජිටල් නව්යෝත්පාදනය සහ පාරිභෝගික කේන්ද්රීය පරිවර්තනය කෙරෙහි දැඩිව අවධානය යොමු කිරීම මෙම ප්රතිඵලයට හේතු වූ බවයි. බැංකුව තම එහි වෙළඳපල තත්ත්වය ශක්තිමත් කිරීමට සහ ආර්ථිකව ප්රකෘති තත්ත්වයේ පැවතීමට මෙම ගුණාංග වලින් අර්ථවත් දායකත්වයක් ලැබී ඇති බවද සඟරාව පෙන්වා දුන්නේය.
ඇමරිකානු ඩොලර් බිලියන 1 කට අධික වෙළඳපල ප්රාග්ධනීකරණයක් සහිත ශ්රී ලංකාවේ පළමු බැංකුව වන කොමර්ෂල් බැංකුව ලෝකයේ හොඳම බැංකු 1000 අතරට පත්වු පළමු දේශීය බැංකුව මෙන්ම කොළඹ කොටස් වෙළඳපල බැංකු අංශයේ ඉහළම වෙළඳපල ප්රාග්ධනකරණයක් ඇති බැංකුව වේ. ශ්රී ලංකාවේ සුළු සහ මධ්යම පරිමාණයේ ව්යාපාර වලට විශාලතම ණය සම්පාදනය කරන්නා මෙන්ම දේශීය බැංකු ක්ෂේත්රයේ ඩිජිටල් නව්යකරණය සඳහා ප්රමුඛයෙකු වන කොමර්ෂල් බැංකුව ශ්රී ලංකාවේ පරිසරයට කාබන් මුදාහැරීම 100% තුලනය කළ ප්රථම බැංකුව ද වේ.
දිවයින පුරා උපායමාර්ගිකව පිහිටා ඇති ශාඛා සහ ස්වයංක්රීය යන්ත්ර ජාලයක් ක්රියාත්මක කරන අතර, බැංකුව බංග්ලාදේශයේ ශාඛා 20 ක්, මාලදිවයිනේ බහුතර කොටස් හිමිකාරිත්වයක් සහිත පූර්ණ මට්ටමේ පළමු පෙළ බැංකුවක්, මියන්මාරයේ ක්ෂුද්ර මූල්ය සමාගමක් සහ ඩුබායි ජාත්යන්තර මූල්ය මධ්යස්ථානය (DIFC) තුළ නියෝජිත කාර්යාලයක් සමඟින් ශ්රී ලාංකික බැංකු අතර පුළුල්ම ජාත්යන්තර පියසටහනක් තබා ඇත. මීට අමතරව බැංකුවේ පූර්ණ හිමිකාරීත්වය දරන CBC ෆිනෑන්ස් ලිමිටඩ් සහ කොමර්ෂල් ඉන්ෂුවරන්ස් බ්රෝකර්ස් සමාගම තම ශාඛා ජාල හරහා පුළුල් පරාසයක මූල්ය සේවා සපයයි.
