ශ්‍රී ලංකාවේ ප්‍රමුඛතම පුද්ගලික අංශයේ බැංකුවක් වන හැටන් නැෂනල් බැංකුව පාරිභෝගිකයින්ට වඩාත්ම දැරිය හැකි හා පහසු ලීසිං විකල්ප ඇතුළු ප්‍රතිලාභ රැසක් පිරිනැමීම සඳහා මෙරට රථවාහන ක්ෂේත්‍රයේ දැවැන්තයෙකු වන ඉන්ද්‍රා ටේ්‍රඩර්ස් සමඟ අත්වැල් බැඳ ගත්තේය.
මෙම හවුල්කාරීත්වය යටතේ, ඉන්ද්‍රා ටේ්‍රඩර්ස් වෙතින් ලියාපදිංචි කළ සහ ලියාපදිංචි නොකළ වාහන මිලදී ගැනීමේදී පාරිභෝගිකයින්ට වඩාත්ම දැරිය හැකි හා පහසු ලීසිං විකල්ප ලබා ගත හැකිය. එමෙන්ම පුද්ගලික ගමනාගමනය වැඩිදියුණු කිරීම මෙන්ම පහසු හා පාරිභෝගික හිතකාමී වාහන මූල්‍යකරණයක් ලබා දීම සඳහා HNB අඛණ්ඩ කැපවීම ද මෙමගින් අවධාරණය කරයි.
මෙම හවුල්කාරිත්වය මඟින් ඉන්ද්‍රා ටේ්‍රඩර්ස් හි පුළුල් අලෙවි නියෝජිත ජාලයෙන් වාහන මිලදී ගැනීමේදී එක් එක් පාරිභෝගිකයාට ගැලපෙන පරිදි සකස් කළ ලීසිං සැලසුම් සහ විශේෂිත සහාය ලබා ගැනීමට පාරිභෝගිකයින්ට ඉඩ සලසයි. ඉන්ද්‍රා ටේ්‍රඩර්ස් යනු ශ්‍රී ලාංකික මෝටර් රථ කර්මාන්තයේ විශ්වසනීය නාමයක් වන අතර, වසර 40 කට වැඩි කාලයක් තිස්සේ reconditioned සහ ලියාපදිංචි කරන ලද වාහන අලෙවි කිරීම සඳහා කීර්තියක් උසුලයි.
මේ පිළිබඳව අදහස් දක්වමින් HNB ජ්‍යෙෂ්ඨ උප සභාපති සහ සිල්ලර බැංකුකරණ ප්‍රධානී කාංචන කරුණාගම මහතා පැවසුවේ “මෙම හවුල්කාරීත්වය හරහා අපගේ පාරිභෝගිකයින්ට වැඩි ප්‍රතිලාභ සහ තේරීම් ලබා දී තිබෙනවා. ඉන්ද්‍රා ටේ්‍රඩර්ස් වැනි කීර්තිමත් සහ විශ්වාසදායක සමාගමක් සමඟ අත්වැල් බැඳගැනීමෙන් පාරිභෝගිකයින්ට ඔවුන්ගේ පළමු වාහනය මිලදී ගන්නේද නැතහොත් දැනට පවතින වාහනය වෙනත් වාහනයකට මාරු කරන්නේද යන්න පිළිබඳවත් උසස් තත්ත්වයේ වාහන සඳහා පහසු ප්‍රවේශයක් ද ලබා දෙනවා.” යනුවෙනි.
“ඉන්ද්‍රා ටේ්‍රඩර්ස් අපගේ ඉලක්කය වන්නේ ගනුදෙනුකරුවන්ට විශ්වාසදායක වාහන විකල්ප ලබා දීමයි. HNB සමඟින් එක්ව කටයුතු කිරීමෙන් අපගේ පාරිභෝගිකයින්ට වාහන මිලදී ගැනීමේ ක්‍රියාවලිය පහසු කර ඔවුන්ගේ අවශ්‍යතාවලට වඩාත් ගැලපෙන පරිදි සකස් කර ගත හැකි වඩා හොඳ මූල්‍යකරණ විසඳුම් ලබා දීමට අප ඉඩ සැලසෙනවා.” යනුවෙන් ඉන්ද්‍රා ටේ්‍රඩර්ස් හි විකුණුම් සහ අලෙවි අධ්‍යක්ෂ හෂින්ද්‍ර සිල්වා මහතා පැවසීය.
ලියාපදිංචි කළ සහ ලියාපදිංචි නොකළ වාහන මිලදී ගැනීමේ සහ ලීසිං ක්‍රියාවලිය පහසු කිරීමෙන් මෙම හවුල්කාරිත්වය ශ්‍රී ලංකාවේ සමස්ත මෝටර් රථ කර්මාන්තයට උපකාරී වෙයි. තවද එය පාරිභෝගිකයින්ට සහනදායී පොලී අනුපාත, අවම ලියකියවිලි භාවිතය සහ කඩිනම් සේවය ද සහතික කරයි.
