Cinnamon Life at City of Dreamsஇன் பொது முகாமையாளராக விருந்தோம்பல் துறையின் சிரேஷ்ட நிபுணர் கமல் முனசிங்க நியமனம்

Cinnamon Life at City of Dreams ஹோட்டலின் புதிய பொது முகாமையாளராக அனுபவமிக்க விருந்தோம்பல் துறை நிபுணர் கமல் முனசிங்க நியமிக்கப்பட்டுள்ளார். இந்த நியமனம் பெப்ரவரி 15 முதல் அமுலுக்கு வருவதாக அந்நிறுவனம் உத்தியோகபூர்வமாக அறிவித்துள்ளது.

விருந்தோம்பல் துறையில் நீண்டகால அனுபவம் கொண்ட கமல் முனசிங்க, சினமன் ஹோட்டல்ஸ் அண்ட் ரிசோர்ட்ஸ் (Cinnamon Hotels & Resorts) நிறுவனத்தின் கொழும்பு ஹோட்டல்களுக்கான சிரேஷ்ட துணைத் தலைவராக தற்போது வகித்து வரும் பதவியிலும் தொடர்ந்தும் நீடிப்பார் என்பது குறிப்பிடத்தக்கது.

தனது புதிய பொறுப்பின் கீழ், தெற்காசியாவின் முதலாவது முழுமையான ஒருங்கிணைந்த உல்லாச விடுதி (Fully Integrated Resort) எனும் பெருமையைக் கொண்ட Cinnamon Life இன் மூலோபாய வழிநடத்தல் மற்றும் அன்றாட நிர்வாகச் செயற்பாடுகளை கமல் முனசிங்க வழிநடத்தவுள்ளார். Cinnamon Life தனது அடுத்தகட்ட வளர்ச்சியை நோக்கிப் பயணிக்கும் இந்த முக்கிய தருணத்தில், கொழும்பு நகரை சர்வதேச தரம் வாய்ந்த ஆடம்பர விருந்தோம்பல், பொழுதுபோக்கு மற்றும் வர்த்தகத் துறைகளுக்கான முதன்மையான மையமாக நிலைநிறுத்துவதே இவரது பிரதான இலக்காகும்.

சர்வதேச மற்றும் உள்நாட்டு விருந்தோம்பல் துறையில் 30 ஆண்டுகளுக்கும் மேலான அனுபவம் கொண்ட கமல் முனசிங்க, மெரியட் (Marriott), ஹயாட் (Hyatt) மற்றும் மொவன்பிக் (Mövenpick) போன்ற உலகளாவிய ரீதியில் புகழ்பெற்ற முன்னணி வர்த்தக நாமங்களில் சிரேஷ்ட தலைமைத்துவ பதவிகளை வகித்துள்ளார். இதற்கு முன்னர், Cinnamon Hotels & Resorts இன் பிரதம செயல்பாட்டு அதிகாரியாக பணியாற்றிய இவர், இலங்கை மற்றும் மாலைதீவுகளில் உள்ள 17 ஹோட்டல்கள் மற்றும் உல்லாச விடுதிகளின் செயல்பாட்டுத் திறனை மேம்படுத்துவதில் மிக முக்கிய பங்காற்றினார். குறிப்பாக, விருந்தினர்களுக்கான சேவைகளை சர்வதேச தரத்திற்கு உயர்த்தி, நிறுவனத்தின் நற்பெயரை உலகளவில் வலுப்படுத்துவதில் இவரது பங்களிப்பு குறிப்பிடத்தக்கதாகும்.

Cinnamon வர்த்தக நாமத்துடன் நீண்டகால மற்றும் நெருங்கிய தொடர்பைக் கொண்டுள்ள கமல் முனசிங்க, இதற்கு முன்னர் கொழும்பு பிராந்திய துணைத் தலைவராகவும், Cinnamon Grand Colombo ஹோட்டலின் பொது முகாமையாளராகவும் மிகச் சிறப்பான முறையில் கடமையாற்றியுள்ளார். கொழும்பு நகரின் உயர்தர விருந்தோம்பல் சேவைகளை சர்வதேச தரத்திற்கு உயர்த்துவதிலும், அதனை வடிவமைப்பதிலும் இவரது பங்களிப்பு மிக முக்கியமானதாகும். மீண்டும் Cinnamon குழுமத்துடன் இணைவதற்கு முன்னர், மலேசியாவின் கோலாலம்பூரில் உள்ள ஹயாட் (Hyatt Hotels Corporation) குழுமத்தைச் சேர்ந்த Alila Bangsar Kuala Lumpur ஹோட்டலின் பொது முகாமையாளராகவும் அவர் பணியாற்றி சர்வதேச ரீதியில் தனது முத்திரையைப் பதித்துள்ளார்.

சுவிட்சர்லாந்து, மலேசியா மற்றும் வியட்நாம் ஆகிய நாடுகளில் பணியாற்றி தொழில்சார் அனுபவத்தைக்; கொண்டுள்ள கமல் முனசிங்க, உலகளாவிய ரீதியில் மாறிவரும் சுற்றுலாப் பயணிகளின் எதிர்பார்ப்புகள் மற்றும் சந்தை நிலவரங்கள் குறித்த ஆழமான புரிதலைக் கொண்டவர். சுவிட்சர்லாந்தின் புகழ்பெற்ற ஷில்லர் சர்வதேச பல்கலைக்கழகத்தின் (Schiller International University) பட்டதாரியான இவர், புத்தாக்கம், விரைவான செயல்பாடு மற்றும் மூலோபாயத் திட்டமிடல் ஆகியவற்றில் சிறந்து விளங்குபவர் என அடையாளப்படுத்தப்படுகிறார். கொழும்பு நகரை ஒரு போட்டித்தன்மை மிக்க சர்வதேச சுற்றுலா மையமாக மாற்றுவதில் இவரது இந்தத் திறமைகள் பெரும் பங்களிப்பை வழங்கும் என எதிர்பார்க்கப்படுகிறது.

இலங்கையின் சுற்றுலாத் துறை ஒரு முக்கிய திருப்புமுனையை எட்டியுள்ள நிலையில், நாட்டின் விருந்தோம்பல் துறையில் புதியதொரு அடையாளமாகத் திகழும் Cinnamon Life at City of Dreams ஹோட்டலிற்கு இந்த நியமனம் மிக முக்கியமானதாகக் கருதப்படுகிறது. இலங்கையின் மிகப்பெரிய தனியார் துறை முதலீடாகவும், தெற்காசியாவின் முதலாவது முழுமையான ஒருங்கிணைந்த உல்லாச விடுதி வளாகமாகவும் விளங்கும் Cinnamon Life, ஆடம்பரத் தங்குமிடங்கள், உலகத்தரம் வாய்ந்த பொழுதுபோக்கு அம்சங்கள், உணவு விடுதிகள், வணிக வளாகங்கள் மற்றும் கலை-கலாசார விழுமியங்களின் சங்கமமாகத் திகழ்கின்றது. 687 சொகுசு அறைகள் மற்றும் நவீன வசதிகள் கொண்ட சூட்கள், ஐந்து பிரம்மாண்டமான விழா மண்டபங்கள், சர்வதேச தரம் வாய்ந்த உணவகங்கள் மற்றும் உயர்தர வணிக வளாகம் போன்ற வசதிகளைக் கொண்டுள்ளது. அத்துடன், இலங்கை கலைஞர்களின் 1,000-க்கும் மேற்பட்ட தனித்துவமான கலைப்படைப்புகளைக் கொண்டுள்ள இத்திட்டம், கொழும்பு நகரை சுற்றுலா, வணிகம் மற்றும் கலைத் துறைகளின் மையப்புள்ளியாகவும் ஒரு சர்வதேச உந்துசக்தியாகவும் நிலைநிறுத்துவதில் பெரும் பங்காற்றவுள்ளது.

கமல் முனசிங்கவின் தலைமையின் கீழ், Cinnamon Life தனது உறுதியான அடித்தளத்தை மேலும் பலப்படுத்தி, ஒரு புரட்சிகரமான சுற்றுலாத் தலம் எனும் தனது தூரநோக்கை நோக்கித் தொடர்ந்து முன்னேறும். அத்துடன், கொழும்பு நகரை உலகளாவிய சுற்றுலா வரைபடத்தில் ஒரு பிரதான மையமாக நிலைநிறுத்துவதில் இது காத்திரமான பங்களிப்பை வழங்கும் என எதிர்பார்க்கப்படுகிறது.