இலங்கையின் உணவு உற்பத்தித் துறையில் நம்பகமான மற்றும் புதுமையான பிராண்டான New Lloyds Products தனியார் நிறுவனம், BWIO 2026 விருது வழங்கும் விழாவில் சிறப்பு உயர் விருதை வென்றுள்ளது. மவுண்ட் லவினியா ஹோட்டலில் நடைபெற்ற இந்த விருது வழங்கும் விழா, வணிக உலகின் மேம்பாடு , புதுமை மற்றும் தத்தமது துறைகளுக்கு தனித்துவமான பங்களிப்பை வழங்கும் நிறுவனங்களை அங்கீகரிக்கும் வகையில் ஏற்பாடு செய்யப்பட்டது. நாற்பது ஆண்டுகளுக்கும் மேலான வரலாற்றைக் கொண்ட New Lloyds Products, எமது நாட்டு நுகர்வோரின் தேவைகளைக் கண்டறிந்து, உயர்தர உணவுப் பொருட்களை சந்தையில் அறிமுகப்படுத்தியதன் மூலம் பிரபலமடைந்த ஒரு பிராண்டாகும். நூடுல்ஸ், சேமியா, பப்படம், அமாமி பப்படம், மசாலா பப்படம், அவித்த மாவு, சோயா சாஸ், வினாகிரி, தக்காளி சாஸ், பல்வேறு சிற்றுண்டிகள் மற்றும் எளிதில் சமைக்கக்கூடிய பலவகையான உடனடி உணவுகளை உற்பத்தி செய்வதன் மூலம், இந்நிறுவனம் இலங்கையின் உணவு உற்பத்தித் துறையில் ஒரு முன்னணி இடத்தைப் பிடித்துள்ளது.
வாடிக்கையாளர் வசதி மற்றும் புதுமை ஆகியவற்றில் வலுவான கவனம் செலுத்தி, புதிய தலைமுறையின் வாழ்க்கை முறைக்கு ஏற்ற உணவுப் பொருட்களை அறிமுகப்படுத்துவதன் மூலம் இந்நிறுவனம் சந்தையில் ஒரு தனித்துவமான அடையாளத்தை உருவாக்கியுள்ளது. இந்நிறுவனத்தின் மற்றொரு தனித்துவமான சேவை அதன் பிரபலமான Instant Food Truck சேவையாகும். இந்த உணவு டிரக் சேவையானது, கண்காட்சிகள், வர்த்தக நிகழ்ச்சிகள், பெருநிறுவன நிகழ்வுகள், இசை நிகழ்ச்சிகள், பாடசாலை நிகழ்ச்சிகள் மற்றும் பல்வேறு சமூக நடவடிக்கைகளில் பங்கேற்பதன் மூலம் New Lloyds உணவுப் பொருட்களைச் சுவைக்கும் வாய்ப்பை நுகர்வோருக்கு வழங்குகிறது. இந்தச் சாதனை குறித்துக் கருத்துத் தெரிவித்த அந்நிறுவனம், இந்த விருது தங்களது ஊழியர்கள், விநியோக முகவர்கள், விற்பனைப் பிரதிநிதிகள் மற்றும் விசுவாசமான வாடிக்கையாளர்களின் அர்ப்பணிப்பின் விளைவாகும் என தெரிவித்துள்ளது. எதிர்காலத்தில், மேலும் பல புதிய உற்பத்திகளை அறிமுகப்படுத்துவதிலும், சந்தை விரிவாக்கத்தை வலுப்படுத்துவதிலும், நுகர்வோருக்கு உயர்தர உணவுப் பொருட்களை வழங்குவதிலும் அந்நிறுவனம் கவனம் செலுத்துகிறது. இந்தச் சாதனை, இலங்கையின் உணவு உற்பத்தித் துறையின் வளர்ச்சிக்கு New Lloyds ஆற்றிய பங்களிப்பை மீண்டும் ஒருமுறை உறுதிப்படுத்தும் ஒரு தனித்துவமான மைல்கல்லாகக் கருதப்படுகிறது.
